موضوعنا هو ال (acute pulmonary edema) اللى هو الوزمة الرئوية او استسقاء الرئة يعني الرئه غرقانه ميه ومش قادره تشتغل و الى هنشرحه هنا لتانى مرة بقولها مش هو الجايدلينز اوى يعنى ماشين على سطر وسايبين سطر ولكن ده اللى بيتم عمله فعلا فى أقسام الطوارئ فى المستشفيات وده علشان تبقى عارف اللى بيحصل وعارف التعامل بكون ازاى ومتتصدمش وده شرح كامل بالعامية.
أسباب استسقاء الرئة ( edema Pulmonary):
الاسباب دي هتسأل العيان عليها وعادة هيقولك
سبب ليها :
1-
ممكن
يكون سببها أصلا الذبحه الصدريه او (myocardial infarction)
اللي اتكلمنا عنها فى موضوع سابق وفى الحالة ديه هتسأل ف تقل او حرقان فى صدرك
عشان تعرف الدنيا ماشية إزاى.
2-
عنده
(Renal Failure)
يعني فشل كلوي.
3-
عنده
(Heart Failure)
فشل ف عضلة.
4-
لو بياخد
أدويه للقلب.
5-
عنده
إرتفاع فى ضغط الدم (Hypertension).
6-
ممكن
يكون سببها (stroke)
اللي هي جلطه ف الدماغ ، ف هتسأله تقوله حاسس
بضعف ف ايدك او رجلك او تقل ف لسانك.
أعراض استسقاء الرئة (edema Pulmonary):
بعد كدا هتشوف الأعراض بتاعة ال (pulmonary edema) وتسأل العيان على
الحجات اللى هقولك دلوقتى:
1-
ال (severe dyspnea) عندك نهجان او صعوبه ف
التنفس.
2-
ال (cyanosis) ، هتشوف شفايفه ولسانه
من تحت لونة ازرق ولا لا.
3-
ال
(cough) ، في كحه ولا لا وغالبا
بيبقا في مخاط معرّق بدم .
فحص المريض (Physical examination):
بعد كدا هتفحص العيان:
1-
و أول حاجة طبعا هتبص عليها هى وجه العيان (face) هتلاقيه
(sweaty & irritable)
عرقان يعني.
2-
قياس معدل التنفس (Respiratory
rate) وغالبا هتلاقي
معدل النفس سريع (tachypnea).
3-
قياس
النبض (pulse) ممكن تلاقي فى بطئ او
تسارع فى النبض (Bradycardia or tachycardia).
4-
قياس ضغط الدم (Blood Pressure)، ممكن برضو
تلاقيه عالى او واطى (hyper or hypotension).
5-
قياس
درجة الحرارة (Temperature).
6-
ممكن
تلاقي (murmur).
7-
هتسمع
صدره هتلاقي (generalized or basal bubbling crepitation’s)
صوت كده زي كركرة الشيشه كدا على صدره اول
ما توصل هنا وخلاص انت تقريبا متأكد من تشخيصك بناءا ع سؤالك ع الأسباب والأعراض
والفحص ، إبتدي علاج ع طول ومتستناش نتايج التحاليل والأشعات اللي هنقول عليها دي
، تمام.
فحوصات استسقاء الرئة (edema Pulmonary):
بعد كدا الفحوصات اللي هتعملها يا سيدي بتشتمل
على اللى جاى ده.
1-
أشعة عادية على الصدر (chest x ray) وفى الاغلب هتلاقي في (secretions) كتير ف الرئه.
2-
تحليل سكر فى الدم (Blood glucose).
3-
تحليل
غازات الدم (ABG).
4-
عمل رسم قلب (ECG ).
5-
عمل تحليل انزيمات
القلب (cardiac enzymes) لأنها ممكن تكون أصلا نتيجة لل (MI) زي ما قولنا ف أول سبب فوق ، اطلع بص
عليه .
6-
عمل أشعة مقطعية على المخ (CT scan) أشعه مقطعيه
لأنها ممكن تكون جلطة ف المخ زي ما قولنا فوق برضو.
7-
عمل
تحليل وظائف كلى واهم واحد يتعمل هو تحليل الكرياتنين (creatinine)
لأن قولنا برضو من ضمن الأسباب ان المشكلة ممكن تكون بسبب فشل كلوي ، ودا تحليل
بيعرفني مدى كفاءة الكلى .
علاج استسقاء الرئة (edema Pulmonary):
طبعا احنا اتفقنا انك هتبدأ تعالج قبل خطوة
الفحوصات ، انت بس بتعملها عشان تتأكد من تشخيصك هتبتدي تعالج ازاي بقا او تتعامل
ازاي مع الحالة ف الاستقبال :
1-
اول
حاجة نيم العيان ع سرير وانت رافع ضهره ، ممكن تحط مخده ورا ضهره.
2-
حط
العيان على أكسجين (Oxygen).
3-
ركب
كانيولا للعيان (peripheral
cannula).
4-
إديله
جلسة نيوبليزر، دا دوا موسع للشعب.
5-
ركبله
قسطرة بول عشان تنزل السوايل اللي ف جسمه عشان دا عيان الرئه بتاعته غرقانه ف
الميه زي ما قولنا .
6-
هتديله
أدوية ال (diuretic)،
مدرات للبول يعني عشان نفس السبب اللي لسه قايله ف رقم 5.
7-
طبعا
لو الحالة جلطة فى القلب (MI)
هتتعامل معاها زي ما قولنا البوست اللي فات.
رأيك يهمنا